Arsenali nuk arriti që mbrëmë të fitonte ndaj Atletico Madridit në Emirates, ndonëse skuadra spanjolle luajti me 10 futbollistë për 80 minuta.
Ndonëse tani Atletico ka një epërsi të madhe nga ndeshja e parë që u mbyll 1:1, Jack Wilshere beson se ‘Topçinjtë’, do të jenë ata që të luajnë në finalen e këtij edicioni të Ligës së Evropës,raporton KosovaPress.
“E kemi të qartë se çfarë duhet të bëjmë javën tjetër dhe kemi besim se mund t’ia dalim të shënojmë dhe të kualifikohemi”, ka thënë Wilshere.
“Rezultati i mbrëmshëm nuk ishte ai që ne donim, por nuk duhet të dëshpërohemi pasi zhvilluam një lojë shumë të mirë ku patëm raste të panumërta dhe nëse ia dalim ta përsërisim këtë dhe në Madrid, besoj se do t’ia dalim të kualifikohemi”.
Ndeshja e kthimit mes Atletico Madridit dhe Arsenalit luhet të enjten tjetër në Wanda Metropolitano.