Poezi nga Lizz Berisha ....

[Lina]

 

[Lina]

E di...
Ka netë që të mungon më shumë se zakonisht...
E kur mungesa shpon si thikë të vetmen gjë që do doje është krahërori i tij!
Të mbështillesh nga ato krahë të fortë duke mbështetur kokën tek ai.
Ti dëgjosh rrahjet e zemrës, ti ndjesh frymëmarrjen.
Nuk kërkon asgjë më shumë, vetëm një përqafim!
Vetëm një...

ElizzBerisha

 

[Lina]

 

[Lina]

 

[Lina]

Sot sërish ndjeva mall!
Teksa kaloja nëpër turma njerzish, me mendje isha shumë larg...
Ti ndoshta nuk më mendon fare.
Ndoshta buzëqesh për dikë tjetër sot teksa shëtit i lumtur nëpër rrugë, ndërsa unë hedh hapa të shkujdesur në rrugicat me kalldrëm...
Sot të kërkova në mijëra fytyra nëpër rrugë por asnjë nuk të ngjante.
Papritur një shenjë nga ti më shfaqet!
Qenkan shpirtrat ato që komunikojnë dhe kur trupat mund të kenë mijëra kilometra në mes...
Dhe sot fuqia shpirtërore më dëshmoi lirin e saj duke më bërë të kuptoja se diku tjetër janë shpirtërat, diku tjetër jemi ne...

#LizzBerisha
France 2020

 

[Lina]

 

[Lina]

 

[Lina]

Ç'faj të kish ajo që ti nuk di të duash
Zemrën pse i'a thyen, ndjenjat pse i'a vret
Fjalë, veç fjalë, sa shumë di të thuash
Vall ndonjë nga ato, është e vërtetë?!

A i ke thënë "të dua" ndonjëherë me zemër
Je munduar ta kuptosh çfarë vërtet ndjen?
E ke bërë të ndjehet më e lumtura femër
Kuptove ndonjëherë prehjen ku e gjen?!

E sheh sot me urrejtje pse tjetrin dashuron
E shan, e poshtron në njerëz kudo...
Kur s'dite t'a duash, më shumë ç'kërkon?
Ti s'dite kurrë t'a mbaje, një si ajo...

Thonë se në jetë çdo gjë rrotullohet
Ç'i ke bërë dikujt, do t'a bëj dikush
Kur të thyejn zemrën ty, do të kujtohet
Si ajo s'të deshi, as s'do të dojë askush...

ElizzBerisha

 

[Lina]

 

[Lina]

 

[Lina]

Zëri yt...

Ah..., sa gjëra s't'i thash dot
E që ngelën shpirtit gjurmë
Më dredhin zemrën, dje dhe sot
Sa herë vijnë kujtime turmë!

Një moment që lë gjurmë jetës
Zgjat aq sa frymë të kesh
S'e largon, jo, kurrë prej vetes
Ah..., ai zë që shpirtin zhvesh...

I mbyll sytë, kërkoj të të gjej
Dhe pse ti ke ikur larg
Ai zë që kaq pranë e ndjej
Sot më sjell kujtimet varg.

Sa herë përtokë jam rrëzuar
Shpirti i mbytur krejt në mall
Ai zë..., gjëja më e çmuar
Ai zë..., që më ringjall.

Liza Berisha

 

[Lina]

Ka diçka...

Ka diçka që të kujton
Kudo po, edhe gjithmonë
Kur shoh me ëndje qiellin blu
Më kujtohen sytë e tu'.

Dhe kur hëna lartë ndriçon
Fytyrën tënde më kujton.
Dhe kur qaj, edhe kur qesh
Shkaku vetem ti do jesh.

Në një shkrim, a një letër
Do të gjej veç ty patjetër
Dhe një këngë kur dëgjoj
Përsëri ty të kujtoj.

Ka diçka që të kujton
Kudo po, edhe gjithmonë...
Mos u lodh më kot me nyje
Gjithçka ndodh, ka një arsye!

Liza Berisha

 

[Lina]

Një përqafim

Shpesh para stuhive qëndroj si shkëmb
Kështu luftoj monotoninë
Por kam nevojë,shpirti më dhemb
për ngrohtësi, kur zemra ngrinë!

Athua mendon se pse buzëqesh
nuk kam nevojë për ngrohtësi?
Mësova dhimbjen shpirtit ti vesh
Ndaj më përshtatet, kët' mirë e di...

Nëse s'arrite kurrë që të shohësh
Përtej buzëqeshjes dhimbjen që mbaj
S'paske arritur kurrë të më njohësh
E ç'rëndsi ka në qesh a qaj?!

Nuk mund të shuaj një përqafim
Dhimbjen e shpirtit që e mban brenda
Por mes krahësh një shtrëngim
T'i lehtëson dhe plagët e rënda.

Liza Berisha

 

[Lina]

Pranë të ndjej

Dhe pse nuk je sonte pranë meje
Praninë tënde kudo e ndjej
Më rrjedh me gjakun ti në deje
Shpirtit strukur thellë të gjej.

Je në ajërin që hap mushkritë
Në pikat e shiut që fytyrën m'lag
Të ndjej dhe në të diellit dritë
Je përherë afër, edhe pse larg!

Ti je në anën tjetër të botës
Por ne bashkë e ndajmë një qiell
Era që m'ledhaton flokët
Aromën tënde pranë më sjell.

S'të krahasoj as me gjithë botën
Je "farë" dashurie shpirtit mbjell!

LizzBerisha

 

[Lina]

 

[Lina]

 

[Irini]

Pranë të ndjej

Dhe pse nuk je sonte pranë meje
Praninë tënde kudo e ndjej
Më rrjedh me gjakun ti në deje
Shpirtit strukur thellë të gjej.

Je në ajërin që hap mushkritë
Në pikat e shiut që fytyrën m'lag
Të ndjej dhe në të diellit dritë
Je përherë afër, edhe pse larg!

Ti je në anën tjetër të botës
Por ne bashkë e ndajmë një qiell
Era që m'ledhaton flokët
Aromën tënde pranë më sjell.

S'të krahasoj as me gjithë botën
Je "farë" dashurie shpirtit mbjell!

LizzBerisha

Shkruan bukur kjo @Hera e kam lexuar edhe ne aforisma?

 

[Lina]

Mos i thuaj...

I thuaj atij se nuk e dua më
I thuaj se tashmë e kam harruar
Edhe pse mbrëm qava për të
Ti thuaj se dhimbjen e kam kaluar.

Thuaj se ishte thjesht një gabim
Gabim që më la dhimbje të pamatë
Thuaj që sonte nuk ndjej trishtim
Edhe pse nata duket kaq gjatë...

I thuaj se sot jetoj lumturinë
Atë që kurrë ai s'ma dha mua
Gënjeje, se larg tij gjeta dashurinë
Por mos i thuaj kurrë se akoma e dua

Liza Berisha