Libri i Anne Frank tërhiqet nga dyqanet pas diskreditimit të fakteve
Libri i titulluar “Tradhtimi i Anne Frank” thotë se një noter hebre i quajtur Van den Bergh kishte treguar te nazistët vendin e fshehjes
Një libër që pretendonte se zgjidhte misterin se cili kishte tradhtuar te nazistët hebrejen e famshme Anne Frank, është tërhequr nga botuesit holandeze pas denoncimit të pavërtetësissë së zbulimeve.
Grupi kërkimor pretendonte se një hebre i quajtur Arnold Van den Bergh ishte përgjegjës për arrestimet e vajzes dhe të familjes së saj gjatë Luftës së Dytë Botërore.
Por që prej publikimit të librit në janar punimi është kritikuar gjerësisht, dhe dy ekspertë e historianë të Luftës së Dytë Botërore thanë se nuk i qëndron fakteve.
Anne Frank ishte një vajzë hebreje që shkroi një ditar për dy vitet e saj duke qëndruar e fshehur me familjen në një papafingo, para se të kapeshin e të dërgoheshin në një kamp përqendrimi në 1945.
Libri i titulluar “Tradhëtimi i Anne Frank” thotë se një noter hebre i quajtur Van den Bergh kishte treguar te nazistët vendin e fshehjes së vajzës dhe famijes së saj.
Por grupi hetues, i drejtuar nga nje hetues në pension i FBI, shpenzoi gjashtë vjet duke tentuar të zbardhte rastin e vjetër.
Autorja kanadeze e librit Rosemary Sullivan, u dënua nga shumë grupime që thonin se kishte “njollosur dinjitetin e të mbijetuarve të holokaustit”.
Prandaj publikuesit HarperCollins tërhoqën edicionin në anglisht të librit pas raportimeve se pohimet në të ishin “amatoreske”.
“Nuk ka prova serioze për këto akuza të rënda,” shkruanin ekspertët në raport, teksa shtëpia publikuese holandeze Ambo Anthos tha se libri nuk do të shitej më.
Ekspertët hetues kanë mbështetur zbulimet e tyre por nuk pretendojnë se kanë zbuluar të gjithë të vërtetën.
“E jona është vetëm një teori, asgjë më shumë,” tha hetuesi Pieter van Twisk për agjencinë holandeze ANP.
Një libër që pretendonte se zgjidhte misterin se cili kishte tradhtuar te nazistët hebrejen e famshme Anne Frank, është tërhequr nga botuesit holandeze pas denoncimit
Top Channel
