Krokodili ha krokodilin/ Zvrraniku gjigant tmerron fotografët duke i ngulur dhëmbët më të voglit
Në imazhe shihen momentet shokuese kur një krokodil tenton të gëlltisë një tjetër nga specia e tij në parkun e Afrikës së Jugut.
Anne-Marie Scheepers, 52 vjeçe bëri fotot makabre teksa vizitonte parkun kombëtar Kruger ku krokodili i nguli dhëmbët kafshës më të vogël në një sulm prej dy orësh.
Scheepers, nga Johannesburg në Afrikën e Jugut tregon se ishte në një udhëtim disa ditor në Skukuza, kampi kryesor i parkut Kruger.
“Teksa ishim duke u kthyer nga Lower-Sable, vërejtëm diçka të pazakontë dhe i kërkova mikut tim të ndalonim.
“Pashë krokodilin e madh me të voglin në gojë dhe fillimisht mendova se ishte një lloj rituali çiftimi, por më pas vërejta që ai u gjakos në gojë”.
“U bë e qartë se nuk ishte një ritual por një sulm i mirëfilltë”.
Gruaja shton më tej se krokodili nisi rrotullimin e vdekjes në ujë ndërsa krokodili i vogël luftonte dhe rezistonte.
“Ne shikonim krokodilin e vogël që hapte gojën dhe levizte bishtin egërsisht në kapjen e nofullave të mëdha”, tha Scheepers.
Krokodili i madh doli më tej nga uji duke tundur egërsisht më të madhin çdo disa minuta.
“Krokodili i vogël vijonte të hape e mbyllte gojën dhe tundte bishtin deri në fund”, tregon Scheepers.
Krokodilët e Nilit të cilët jetojnë në Afrikën nën-Sahariane mund të arrijnë një gjatësi maksimale prej shtatë metra dhe të peshojnë deri në 700 kg.
Ata ushqehen me peshk, amfibë, e zvarranikë të tjerë, por mund të sulmojnë dhe vertebrorë të mëdhenj si drerë, bufalo, hipopotamë të vegjël apo felinë të egër.
Në imazhe shihen momentet shokuese kur një krokodil tenton të gëlltisë një tjetër nga specia e tij
Top Channel
