Qyteti në brigjet e lumit Rhone u zbulua në terrenin që po përgatitej për një kompleks të ri apartamentesh, e përbëhej nga shtëpi luksoze, mozaikë dhe pajisje që datojnë që nga shekulli I-rë pas Krishtit. Hiri i zjarreve ka ndihmuar në ruajtjen e rrënojave, ashtu si në qytetin romak të Pompeit, që mbeti në këmbë pasi u mbulua nga hiri vullkanik i Vezuvit.
“Dy zjarre të njëpasnjëshme kanë bërë që rrënojat, arkitektura dhe shumë pajisje të fosilizohen dhe forcohen. Në çdo hapësirë ne kemi gjetur pajisje të lëna nga banorët që i largoheshin zjarreve”, tha Benjamin Clement, arkeolog.
Mes rrënojave u gjet një mozaik thuajse i plotë, që tregonte Talian, muzën dhe perëndeshën e komedisë e rrëmbyer nga mbreti i satirës, Pan. Rrënojat do të maten dhe fotografohen. Disa do të zhvendosen nga sajti “Sainte Colombe” dhe do të dërgohen në Muzeun e Vjenës për restaurim. Pjesa tjetër do të duhet të shkatërrohet nga arkeologët, pasi apartamentet dhe garazhet shpejt do të zënë vendin e tyre.
/ Top Channel
