Sipas “Diario Gol”, “ylli” i Barçës në lidhje me merkaton e verës, u ka sugjeruar drejtuesve dhe trajnerit Valverde, emrin e Joshua Kimmich.
Futbollisti gjerman po kalon një periudhë fantastike me Bayern Munchen, ku si mbrojtës i djathtë ka pasuar në mënyrë ideale ish-kapitenin Lahm. Paraqitje të shkëlqyera, talenti i Bayernit bëri edhe kundër Realit në gjysmëfinale të Champions League, duke shënuar nga një gol për çdo ndeshje.
Messi ka kërkuar një lojtar që do ta mbështeste në sulm dhe të mbrojë njëkohësisht zonën që ka për detyrë. Kimmich është kandidati ideal.
Mbrojtësi gjerman ka kontratë deri në vitin 2023 me Bayern Munchen dhe Barcelona ka gati 80 milionë euro për t’ia marrë nga gjiri i vet.
Nélson Semedo nuk ka bindur dhe tashmë Barcelona do të investojë te një futbollist që ka dhënë provat, ndonëse pyetja është: A do ta lejojë Bayern largimin e Kimmich?