Gripi sezonal ka sjellë fluks të shtuar në spitalet dhe ambulancat mjekësore edhe në Kosovë.
Radhët janë të gjata, ndërsa shërbimi të cilit këta pacient po kërkojnë tek qendra kryesore e mjekësisë familjare në Prishtinë, është pothuajse i njëjtë.
Një viroz sezonale, është bërë shkas që këta persona pa dallim moshe të kërkojnë ndihmën mjekësore.
Mbi 300 persona në ditë po kërkojnë ndihmën e stafit mjekësor për këtë virozë. “Ne kemi nga 200 deri në 250 vizita, tashmë këto shifra e tejkalojnë 300 brenda ditës, një mbingarkesë për mjekët sepse dyfishohet numri për vizita”, thotë Bujar Gashi-Drejtor i QKMF-së në Prishtinë.
Ky virus sipas specialistëve po dallon nga viruset e tjerë pasi kohëzgjatja e tij është më shumë se shtate dite.
Në Qëndren Kryesore të Mjekësisë Familjare në Prishtinë, janë bërë edhe testime për covid-19, por sipas mjekëve, deri tani nuk ka ndonjë pacient që ka dalë pozitiv.
N24
