Ishin të përzgjedhurit e Diego Simeones ata të cilët përfituan nga një aksion jo premtues dhe Griezman arriti të shënoi për 1 me 0. Marseille e mori edhe një goditje tjetër pasi që kapiteni Payet e lëshoi fushën për shkak të problemeve muskulore.
Marseille u mundua më pas të barazonte rezultatin, por përpjektet e tyre ishin të pa mjaftueshme për të bërë një gjë të tillë dhe pjesa e parë u mbyll me avantazh minimal të spanjollëve.
Pjesën e dytë më mirë e filluan spanjollët të cilët realizuan qysh në minutën e 49 dhe sërish ishte Griezman i cili shënoi pas një aksioni mirë të ndërtuar nga lojtarët e Atletico Madridi-t.
Më pas Marseille u lëshua e tëra në sulm, sulmoi me të gjitha forcat po asesi edhe pas disa raste mirë të krijuara nuk arrinte të shënonte së paku golin e nderit në finale, ndërsa spanjollët ishin prap ata të cilët shënuan për rezultatin përfundimtar 3 me 0, ishte Gabi ai i cili shënoi golin e tretë për mysafirët.
Kështu Atletico Madridi arriti të fitojë Europa League pasi në gjysmëfinale arriti ta eliminoj Arsenalin ndërsa në finale mposhti francezët edhe pa pranin e trajnerit Simeone i cili ishte i dënuar nga UEFA.
